RETO 16

RETO 16: 27 de abril de 2020

Ola ola!!!💫 Como van esas enerxías? Comezamos a semana e con ela novas aventuras!! Estades preparados e preparadas? 😄 💃
Por certo... estade moi atentos porque moi pronto poderemos ver o video coas vosas mensaxes e arcos da vella 🌈 con algunha que outra sorpresiña que esperemos que vos guste tanto como a nós 😎💗💚💙💜

RETO MENTE EN FORMA:

Para este reto precisamos dunha cadeira ou banco... e agora qué? Para que servirá unha cadeira? Mmm... sería lóxico pensar que a función dunha cadeira e sentarse nela pero neste caso imos empregar a imaxinación mentres a lóxica descansa 😜

Pois ben, teremos que buscarlle tres posicións diferentes a cadeira ou banco e para cada unha delas imaxinar que utilidade poderíamos darlle.

Por exemplo, se coloco a cadeira tumbada no chan podería ser... un coche do futuro no que os extremos da cadeira funcionaran como super propulsores que nos leven a cidades afastadas en 3 segundos!! 💥😊 Se colocamos a cadeira do revés coas patas mirando ao teito podería ser un lugar a dónde vaian on paxariños a construir o seu niño 🐦 

Calquera idea é perfecta!! Temos total liberdade e ningunha posibilidade de erro. A que é xenial a imaxinación?

Por suposto se queredes, podedes vestirvos para a ocasión con sombreiro de papel, gafas de piloto, variñas máxicas... O QUE QUEIRADES!

Como sempre, as únicas normas, imaxinación e diversión!!
Estades preparados? Despegamos en 3,2,1..

*Recordade foto ou video cos vosos super inventos!!

RETO CORPO EN FORMA:

Para este novo reto imos a propoñervos que xoguedes a ser profes por un día!! Cómo? Moi sinxelo, teredes que pensar e deseñar unha CLASE DE XIMNASIA na que lles ensinaredes aos vosos alumnos (que seremos nós os monitores ) 4 exercicios. Podedes escoller entre os que máis vos gusten!! Poden ser saltos, flexións, reviravoltas, carreira no sitio, un circuito, un xogo... Invitade aos que estén na casiña con vós para que sexan tamén os vosos alumnos, na que seguro será... A clase máis divertida do mundo!! 💃

(Deixámosvos un video con algunha ideas divertidas que podedes poñer en práctica tamén para estes días nos que estamos na casiña) 💕

Recordade: 
Fotos 1 punto
Video 10 puntos


*Non esquezades que para poder publicar as vosas respostas aos nosos retos debedes de ter cuberta a autorización de imaxe na seguinte ligazón:
https://docs.google.com/forms/d/e/1FAIpQLSfk67D-SR6PjBRDOhylnq46nUyWKQn2kAdZBiCT5PLxWzLuPA/viewform